Registtar- ja diehtosuodječilgehus

Persovdnadieđuid gieđahallan

FINENTRY lea digitála bálvalus, mii geavahuvvo neahttalohkki bokte. Dat jođálmahttá Supmii mátkkošteami ja riikiiboahtimii gulli koronavirustestema koronaviruspandemiija áigge.

Bálvalusa FINENTRY-jearahallamiin riikiiboahttái addo su iežas dillái ja gustojeaddji virgeoapmahašrávvagiidda vuođđuduvvi persovnnalaš ávžžuhus das, dárbbašuvvogo koronavirustesten, ja jus dárbbašuvvo, galle ja goas iskosiin galgá fitnat.

FINENTRY-bálvalusa atnui váldin buohccedikšunbiriid guovlluin riikiiboahtti sáhttá dárbbašettiin várret iežasbálvalussan áiggi koronavirustestemii – dahje dahkat gárvvisin čájánasváldinbivdaga testemii, mii dahkko rádjerasttildanbáikkis, ja dalle ii dárbbaš čuožžut gurgadasas rádjerasttildansaji dearvvašvuođarávvensadjái.

FINENTRY-bálvalusas gieđahallojuvvojit persovdnadieđut guovtti sierra geavahandárkkuhusas:

  1. Buohcci dikšun (Buohcciid registtar)

    Čájánasváldin adnojuvvo buohcci dikšumin, ja dieđut (mielde lohkkojuvvojit maiddái áigevárrendieđut), mat dárbbašuvvojit čájánasváldima várás, leat buohcciiddieđut. Dat gullet buohcci dikšu dearvvašvuođafuolahusa doaibmaovttadaga buohcciidregistarii.

    Buohcciidregistara registaradoalli lea dat dearvvašvuođafuolahusa doaibmaovttadat, man lohkui čájánasváldin dahkko. Registarabajásdoalli ii vealtatkeahttá leat seammá riikiiboahtinbáikkis ja orrunbáikegottis dahkkon čájánasváldimiin.

  2. Njoammumiid vuohttin (Registtar ovttaskas dáhpáhusain)

    Njoammumiid vuohttin vuođđuduvvá njoammudávdaláhkii, ja das sáhttá 39 § mielde čoaggit ja gieđahallat buohccán olbmuid ja dávdaluvvin eahpiduvvon dieđuid. Dat gullet njoammumiid vuohttimis vástideaddji buohccedikšunbire ovttaskas dáhpáhusaid registarii.

    Ovttaskas dáhpáhusaid registara registaradoalli lea buohccedikšunbire, man guovllus riikiiboahtti riikiiboahtinbáiki lea dahje riikiiboahtti muhtun áigodagas orru.

    Ovttaskas dáhpáhusaid registara dieđut sirdásit buohccedikšunbires nubbái automáhtalaččat riikiiboahtti lihkadeami mielde.

    Buohccedikšunbire fuolaha guovllustis das, ahte dieđut sirdásit doarvái gielddaide, jus dat dahket njoammumiid iehčanas vuohttima.

HUB lea FINENTRY-bálvalusas earáid go iežas dieđuid oasil persovdnadieđuid gieđahalli.

Diehtosuodjeláhkaásahusa čuovvu buohcciidregistara informeremat leat oažžunláhkái iešguđege registaradoalli neahttasiidduin. Vai sáhtát dárkkistit iežat dieđuid, váldde oktavuođa dan buohccedikšunbirii, mii ordnii du čájánasváldima.