Lassediehtu FINENTRY-bálvalusa birra

FINENTRY-bálvalusa ulbmilin lea dahkat njuovžilin Supmii boahtima koronapandemiija áigge.

Bálvalusa geavaheapmi gánniha, daningo digitála bálvalus jođálmahttá riikiiboahtima ja dahká njuovžilin nuvttá kronavirustestemii beassama Suomas.

FINENTRY-bálvalusas sáhttá ovdamearkka dihte:

  • várret áiggi koronavirustestii Suomas
  • oažžut teakstadieđuin rávvagiid testii boahtimii
  • oažžut teakstadieđu koronavirusteastta bohtosis

Fuomášathan, ahte FINENTRY-bálvalusa bokte várrejuvvon koronateasttas ii oaččo sierra koronateastaduođašusa.

Loga lasi bálvalusas:

FINENTRY-bálvalusas váldojuvvojit vuhtii iešguđetlágan mátkkošteaddjijoavkkut, dego

  • olgoriikkas Supmii ruovttoluotta boahtti suopmelaččat ja fásta Suomas ássit
  • barggu dahje studerema dihte Supmii boahttit
  • asttuáiggi mátkkošteaddjit.

Lassin bálvalus váldá vuhtii sierralágan geavadiid vuolginriikka koronavirusepidemiija dili ja mátkki guhkkodaga vuođul.

Bálvalus ii leat anus lonuhanmátkkošteaddjiide, geat jotket njuolga goalmmát riikii vuolggekeahttá eret Helsset-Vantaa girdingiettis.

FINENTRY-bálvalus almmustahtto vehážiid mielde máŋggain iešguđet gielain.

FINENTRY-bálvalusas mátkkošteaddjis jerrojuvvojit koronavirusnjoammumii čujuheaddji vejolaš dávdamearkkat ja mátkái laktáseaddji vuođđodieđut, dego:

  • vuolginriika
  • mátkki guhkkodat
  • mátkki ulbmil

Dáid dieđuid vuođul árvvoštallo koronavirusa leavvama riska.

Mátkkošteaddji oažžu bálvalusas dieđu das, maid rávvagiid son galgá čuovvut go lea joavdan Supmii. Diehtu vuođđuduvvá golmma dását riskaárvalussii. Juos riska lea vuollin, koronavirustesten ja eaktodáhtolaš karantena ii dárbbašuvvo ollenge.

Bálvalusas jerrojuvvo maiddái telefonnummir, navdojuvvon orrunbáiki Suomas ja orrunsadjevuohki. Dát dieđut dárbbašuvvojit koronavirusteastta almmuheapmái (teakstadieđuin), ja karantenarávvagiid addimii, juos fal teastaboađus lea positiivvalaš.

Loga lasi diehtosuoji birra dáppe.

Sirdás FINENTRY-bálvalussii dás.