Jearaldagat ja vástádusat

Jearaldagat ja vástádusat

FINENTRY lea digitála bálvalus, mii jođálmahttá mátkkošteami Supmii ja riikiiboahtimii laktáseaddji koronavirustestema.

FINENTRY-bálvalusas riikiiboahtti sáhttá

  • kártet juo ovdal mátkki dahje mátkki áigge Supmii mátkkošteami doaibmanrávvagiid
  • oažžut oktagaslaš rávvagiid doaibmabijuide ja dárbbu mielde koronavirustestii
  • várret áiggi nuvttá koronavirustestii, mii dahkko Suomas
  • oažžut rávvagiid testii boahtima várás
  • oažžut koronavirusteastabohtosa.

Riikiiboahtti sáhttá čájehit iežas telefovnnas FINENTRY-geavaheaddjekonttu čoahkkáigeassogeahčastaga ja nu jođálmahttit doaimma rájá alde Supmii boađedettiin.

Suoma virgeoapmahaččaid rávvagiid vuođul ođasmuvvi bálvalus jođálmahttá áiggi dási rávvagiid oažžuma.

Neahttaloganis doaibmi bálvalusa atnin lea eaktodáhtolaš ja nuvttá.

Beasat FINENTRY-bálvalussii dás.

Rávvagat mátkkošteaddjiide ođasmahttojuvvojit iešguđetge riikka guovdu koronavirusa leavvama ja njoammunriskka vuođul. Sáhtát dárkkistit rávvagiid dáppe.

Buohkaid Supmii boahttiid gusket ain njoammudávdalága čuovvu geatnegasvuođat ja dearvvašvuođavirgeoapmahaččaid rávvagat.

FINENTRY-bálvalusas oaččut persovnnalaš rávvagiid das, mo don galggat doaibmat. Jus du riikiiboahtin eaktuda koronateastta, oaččut rávvagiid maiddái nuvttá teastta várremii.

Čále sisa FINENTRY-bálvalussii ja deavdde iežat dieđuid juo ovdal Supmii máhccama. FINENTRY-čoahkkáigeasu čájehemiin du telefovnnas dagat riikiiboahtima njuovžilabbon!

Juos Suomas váldon koronavirusteasta gávnnahuvvo positiivvalažžan, orrunbáikegotti njoammundávdaovttadaga ámmátolmmoš riŋge dutnje ja muitala doaibmarávvagiid.

FINENTRY-bálvalus lea oaivvilduvvon Supmii boahtti mátkkošteaddjiide, iige bálvalusa bokte várrejuvvon koronateasttas oaččo sierra koronateastaduođaštusa. Ovdalgo mátkkoštat olgoriikii, sáhtát várret koronavirusteastta priváhta dearvvašvuođafuolahusa bálvalusafálliin ja bivdit koronateastaduođaštusa mátkkošteami várás.

HUB, Kymsote dahje Davvi-Nuortabađaeatnama buohccedikšunbire dahkan koronaiskosa negatiivvalaš bohtosis sáhttá viežžat nuvttá eaŋgalasgielat duođaštusa Koronatietoni.fi-bálvalusas. Bálvalus lea oaivvilduvvon Suoma riikkavuložiidda ja dan geavaheapmi eaktuda nana dovdáma báŋkodovddaldagaiguin dahje mobiilasihkkarastimiin.

FINENTRY-čájánasváldináiggit beaiváduvvojit bálvalussii sullii 7 beaivvi ovddalgihtii, nappo sáhtát várret áiggi eanemustá vahku ovddalgihtii.

Juo, FINENTRY-bálvalusa bokte várrejuvvon Suomas dahkkon koronvirusteasta lea nuvttá

FINENTRY-koronatestensajit leat miehtá Suoma. Amma válddát vuhtii goittotge, ahte FINENTRY-koronatestensajit eai leat buot gielddain. FINENTRY-bálvalusas oaččut persovnnalaš rávvagiid das, mo don galggat doaibmat.