Koronavirustesten ja eaktodáhtolaš karantena

Koronavirustesten Suomas

Koronavirustestema ulbmilin lea eastadit koronavirusa leavvama ja stivret dárbbu mielde dikšui. Testen gánniha, daningo dainna sáhttá oanidit maiddái eaktodáhtolaš karantena.

FINENTRY-bálvalusa bokte sáhtát várret áiggi koronavirustestii Suomas. Suoma koronavirusteasta lea riikii boahttiide nuvttá. Teastaáiggi sáhttá várret eanemustá 7 beaivvi ovddalgihtii.

Ovdamearkka dihte Helssega guovllus leat sullii 50 koronavirustestenbáikki. Maiddái Helsset-Vantaa girdingiettis lea koronavirustestenbáiki daidda, geat bohtet girddi ja geat galget mannat testii dalán go leat boahtán riikii.

Koronavirusteastačájánas váldo sákkiin juogo njielus dahje njunnenjielus.

Koronavirusteastta bohtosa oaččut teakstadieđuin sullii jándora geahčen.

  • Juos Suomas váldon koronavirusteasta gávnnahuvvo positiivvalažžan, orrunbáikegotti njoammundávdaovttadaga ámmátolmmoš riŋge dutnje ja muitala doaibmarávvagiid.

Eaktodáhtolaš karantena

Eaktodáhtolaš karantenain eastaduvvo koronavirusa leavvan ja sihkkarastojuvvo oktasaš dorvvolašvuohta. Dat lea dehálaš boađedettiin Supmii riikkain, main koronavirus gávdno olu.

Eaktodáhtolaš karantena dárkkuha, ahte garvvát lagaškontávtta iežat bearraša dahje mátkejoavkku olggobeale olbmuide álo go vejolaš ja bisut ruovttus dahje orrunbáikkistat. Go čuovut eaktodáhtolaš 14 beaivvi karantena, suddjet earáid njoammumis. Negatiivvalaš koronavirusteastabohtosiin sáhtát oanidit eaktodáhtolaš karantena guhkkodaga. Loga lasi eaktodáhtolaš karantena birra dáppe.

Virggálaš karantena

Virggálaš karantena lea njoammundávdadoaktára virgeoapmahašmearrádus. Njoammundávdadoavttir sáhttá mearridit dávdamearkkahis olbmo karantenii, jus dát lea dávdaluvvan koronavirusii. Karantena guhkkodat lea dábálaččat 14 beaivvi. Virggálaš karantena ii sáhte oanidit koronateasttain. Lassedieđu karantena birra oaččut dáppe.

Erren

Erren oaivvilda, ahte njoammu dávdda buohcci olmmoš errejuvvo dearvvas olbmuin. Dainna háliidit garvit vejolaš joatkkanjoammumiid. Olmmoš sáhttá leat erremis buohcceviesus dahje ruovttus.